कोल्हापूर : मार्केट यार्ड येथील दुकानाचा पत्रा उचकटून चोरट्याने आत प्रवेश करून 60 हजाराहून अधिक किमंतीच्या कांदा, बटाटा, लसूनावर डल्ला मारला. याची नोंद शाहूपुरी पोलिसात झाली. रोकड, सोने, चांदी, किमंती ऐवजासह रोकडबरोबर आता चोरट्याने कांदा बटाटावर लक्ष केंद्रीत केल्याने व्यापारी वर्गात भितीचे वातावरण निर्माण झाले आहे.
याबाबत पोलिसांनी दिलेली माहिती,
प्रकाश उत्तमचंद्र उब्रराणी (वय 57, रा. ताराबाई पार्क) हे व्यापारी आहेत. त्यांचे मार्केट यार्ड येथे प्रकाश ट्रेडिंग व मुसली ऍन्ड सन्स्‌ नावाचे दुकान आहे. सोमवारी रात्री त्यांनी हे दुकान नेहमीप्रमाणे बंद केले. दरम्यान चोरट्याने दुकानाच्या उजव्या बाजूचा वरचा पत्र उचकटून आत प्रवेश केला. त्यानंतर मुख्य दरवाज्याला आतून कडी लावली.
दुकानातील पाच पोती लसून, सात पोती बटाटा, 10 पोती वेगवेगळ्या प्रतिचा कांद्याची 10 पोती लंपास केली. हा प्रकार दुसऱ्या दिवशी सकाळी उघडकीस आला. याबाबतची उब्रराणी यांनी शाहूपुरी पोलिसात फिर्याद दिली. त्यानुसार 61 हजार 500 रूपयाचा कांदा, बटाटा, लसूनची पोती चोरीस गेल्याची नोंद झाली. याबाबत अधिक तपास सहायक फौजदार राजू वरक करीत आहेत.
संपादन - अर्चना बनगे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.