सबस्क्राईब करा
कोल्हापूर : सार्वजनिक ठिकाणी थुंकल्यास दंडात्मक कारवाईला सामोरे जावे लागते. पण कायद्याच्या पालनकर्त्यानेच हा कायदा मोडला तर, तोही मावा खाऊन…़! होय, अशा कारवाई शहरात आज दुपारी रेल्वेस्थानकावर झाली.
‘थुंकी मुक्त’ चळवळीतील कार्यकर्त्यांनी संबंधित पोलिस कर्मचाऱ्याविरोधात कारवाईचा पावित्रा घेतला, त्यामुळे त्या शाहूपुरी पोलिस ठाण्यातील पोलिसाला दीडशे रुपये दंडाला सामोरे जावे लागले.
दरम्यान, चळवळीतील कार्यकर्त्यांनी संबंधित पोलिसावर गुन्हा दाखल करावा, अशी मागणी शाहूपुरी पोलिस ठाण्यातील अधिकाऱ्यांकडे केली. अखेर पोलिसाने ‘चूक झाली, येथून पुढे असे होणार नाही,’ अशीही शपथ घेतल्याची माहिती चळवळीतील कार्यकर्त्यांनी दिली.
चळवळीतील कार्यकर्ता राहुल चौधरी यांनी दिलेल्या माहितीनुसार, ते दुपारी रेल्वेस्थानक परिसरात थांबले होते. तेथे गाडीत बसूनच एक पोलिस मावा खाऊन खुल्या जागेत थुंकले. ते थुंकल्याचे छायाचित्र ‘थुंकी मुक्त चळवळी’च्या ग्रुपवर व्हायरल झाले. तातडीने तेथे महापालिकेचे पथक आले, त्यांनी संबंधित पोलिसाला दीडशे रुपये दंड केला.
दरम्यान, कार्यकर्त्यांनी दुपारनंतर शाहूपुरी ठाण्यात जाऊन पोलिसावर गुन्हा दाखल करण्याची मागणी केली. अधिकाऱ्यांनी त्या पोलिसाला फोन केला तेव्हा त्याने चूक कबूल करून पुन्हा अशी चूक होणार नसल्याचे सांगितले. या वेळी राहुल चौधरी यांच्यासह दीपा शिपूरकर, गीता हासूरकर, विजय धर्माधिकारी, राहुल राजशेखर, ललता आंबी आदी कार्यकर्ते उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
