हळदी - नंदवाळ (ता. करवीर) येथील नंदवाळ-कांडगाव या दोन गावांच्या हद्दीवर डोंगर परिसरातील नागटेक या ठिकाणी बिबटयासदृश्य प्राणी दिसल्याची माहिती समोर आली आहे. येथील शेतकरी बाजीराव शिंदे हे नेहमीप्रमाणे सकाळी आपल्या शेताकडे गेले होते. त्यावेळी त्यांच्या सोयाबीन पिक असलेल्या शेताच्या बांधावर सदर प्राणी बसलेला त्यांना दिसला. त्यांनी तात्काळ ही माहिती गावातील नागरिकांना तसेच ग्रामप्रशासनाला दिली.
ग्रामप्रशासनाने नंदवाळसह शेजारील कांडगाव, जैताळ, देवाळे गावातील शेतकऱ्यांना सतर्क केले आहे. याबाबत वनविभागाला कळविले असून वनविभागाचे पथक घटनास्थळी दाखल होणार असल्याची माहिती नंदवाळचे ग्रामविकास अधिकारी उत्तम पाटील यांनी दैनिक 'सकाळ'ला दिली.
दरम्यान नंदवाळ गावात वाघ आल्याची अफवा सोशल मीडियावरुन पसरल्याने अनेकांच्या मनात संभ्रम निर्माण झाला आहे. तरी सदर प्राणी नेमका कोणता आहे हे खात्रीलायक समजल्याशिवाय लोकांनी अशी माहिती प्रसारित करु नये असे आवाहन नंदवाळ ग्रामप्रशासनाने केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
