ही फेरी यशस्वी झाल्यानंतर प्रत्यक्ष कोल्हापूर-पुणे वंदे भारत एक्स्प्रेस प्रवासासाठी आरक्षण, तिकीट भाडे निश्चित होणार आहे.
कोल्हापूर : कोल्हापूर-पुणे मार्गावर धावणाऱ्या बहुचर्चित वंदे भारत एक्स्प्रेसची (Vande Bharat Express) आज चाचणी फेरी होत आहे. नव्या आलिशान व गतिमान रेल्वेमुळे कोल्हापूर ते पुणे मार्गावरील प्रवास कमी वेळात होणार आहे. ताशी ८० ते १०० वेगाने गाडी धावणार आहे. त्यामुळे चाचणीच्या काळात कोल्हापूर ते पुणे मार्गावर रेल्वे रुळावर किंवा आसपास कोणीही येऊ नये, असे आवाहन रेल्वे प्रशासनाने केले आहे.