सबस्क्राईब करा
कोल्हापूर : खाऊला पैसे न दिल्याने शाळकरी मुलीने कीटकनाशक प्याल्याची धक्कादायक घटना आज करवीर तालुक्यात घडली आहे. तिच्यावर उपचार सुरू असून, तिची प्रकृती सुस्थितीत आहे. याची नोंद सीपीआर पोलिस चौकीत झाली.
पोलिसांनी आणि मुलीच्या नातेवाइकांनी दिलेल्या माहितीनुसार, संबंधित मुलीचे वडील बांधकाम कामगार आहेत. ते सकाळी लवकर कामावर गेले होते. त्यांच्या घरी चार मुली आणि एक मुलगा आहे. ही मुलगी आठवीमध्ये शिकते. आज सकाळी वडील घरातून लवकर कामावर गेल्याने मुलीने आईकडे खाऊसाठी पैसे मागितले. मात्र, आई शेतात भांगलण करण्यासाठी जाण्याच्या घाईत होती.
नंतर पैसे देते असे सांगून ती निघून गेली. त्यावेळी घरी मोठे कोणीही नव्हते. तेव्हा घरातच असलेले कीटकनाशक ती प्यायली. तिची प्रकृती अस्वस्थ झाल्याची माहिती आईला आणि नातेवाइकांना मिळताच त्यांनी तातडीने सीपीआरमध्ये दाखल केले. सकाळी घडलेल्या घटनेनंतर तिला वेळीच सीपीआरमध्ये दाखल केले. तातडीने उपचार सुरू झाल्यामुळे तिची प्रकृती सध्या सुस्थितीत असल्याचे तिच्या मामेभावाने सांगितले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.