कोल्हापूर : सायकलिंग स्पर्धेत सिध्देश घोरपडे यांने पटकविले सुवर्ण पदक

जोतिबा डोंगर (कोल्हापूर) : आळंदी (पुणे) येथे झालेल्या एम.टी.बी. राष्ट्रीय सायकलिंग स्पर्धेत कुशिरे तर्फ ठाणे येथील सिध्देश सर्जेराव घोरपडे याने 14 वर्षाखालील मुले 10 किमी क्रॉस कंट्री या क्रीडा प्रकारात सुवर्ण पदक पटकाविले. तर 10 किमी टाईम ट्रायल प्रकारात कास्यपदक पटकावले. 14 वर्षाखालील मुलांच्या गटात महाराष्ट्राचे प्रतिनिधीत्व करताना सिध्देशने ही कामगिरी केली. महाराष्ट्र सायकलिंग असोसिएशन व सायकलिंग फेडरेशन ऑफ इंडिया यांच्या वतीने या स्पर्धेचे आयोजन करण्यात आले.

सिध्देश हा ज्योतिर्लिग हायस्कूल ‍निगवे – वडणगे या शाळेत आठवीच्या वर्गात शिकत आहे. त्याला क्रीडा मार्गदर्शक कपिल कोळी, बीरु भोजने, क्रीडाशिक्षक पी.बी. पाटील, मुख्याध्यापक एम.एम.पाटील, कोल्हापूर जिल्हा सायकलिंग असोसिएशनचे अध्यक्ष विजय जाधव, महाराष्ट्र सायकलिंगचे प्रताप जाधव, उदय पाटील, प्रकाश ठाणेकर तसेच वडील सर्जेराव घोरपडे, आई सरपंच सौ. अनुराधा घोरपडे यांचे प्रोत्साहन व मार्गदर्शन लाभले.