कोल्हापूर-तिरूपती विमानसेवा 1ऑगस्ट पासून सुरू

उजळाईवाडी (कोल्हापूर) : कोरोना संसर्गाच्या पार्श्वभूमीवर धार्मिक स्थळे बंद असल्यामुळे अडीच महिन्यांपासून बंद असलेली इंडिगो एअर लाइन्स कंपनीची (Indigo Airlines Company) कोल्हापूर -तिरुपती Tirupati-Kolhapur) विमान सेवा एक ऑगस्ट पासून पुन्हा सुरू होणार आहे. दक्षिण काशी कोल्हापूर व भगवान वेंकटेश्वरा यांना जोडणाऱ्या विमान सेवेला भाविकांमध्ये विशेष महत्त्व आहे. (kolhapur-tirupati-flight-will-start-from-1-august-kolhapur-update-news)

या विमान सेवेला सुरुवातीपासूनच चांगला प्रतिसाद होता. कोरोना काळात मंदिरे बंद झाल्यानंतर सदर विमान सेवेला प्रतिसाद कमी झाल्यामुळे ती बंद करण्यात आली होती. परंतु पुन्हा दर्शन सुरू होणार असल्यामुळे कोल्हापूर तिरूपती विमानसेवा एक ऑगस्टपासून, आठवड्यातील चार दिवस सोमवार, बुधवार, शुक्रवार व रविवार अशी सुरू राहणार आहे.

या वेळेत होईल लँडिंग

तिरुपती विमानतळावरून सकाळी ११ वाजून ४५ मिनिटांनी विमान टेक ऑफ होईल ते कोल्हापूर मध्ये दुपारी १ वाजून ४० मिनिटांनी लँडिंग करेल. पुन्हा दुपारी २ वाजून १० मिनिटांनी कोल्हापूरहुन तिरुपतीला टेक ऑफ होईल व सायंकाळी चार वाजून पाच मिनिटांनी विमानतळावर लँडिंग होईल अशी माहिती कोल्हापूर विमानतळाचे संचालक कमलकुमार कटारिया यांनी प्रसिद्धी पत्रकाद्वारे दिली आहे.