कोल्हापूर : कोल्हापूर विमानतळ विस्तारीकरणासाठी गडमुडशिंगी (ता. करवीर) मधील ६४ एकर अतिरिक्त जमीन ताब्यात घेण्यासाठी संबंधित शेतकऱ्यांना नोटीस देऊन त्यांची सहमती घ्यावी, अशा सूचना जिल्हाधिकारी राहुल रेखावार यांनी आज दिल्या. दरम्यान, विमानतळ विस्तारीकरणासाठी प्रशासनाकडून गतीने प्रयत्न सुरू आहेत.
विमानतळ विस्तारीकरणासाठी ६४ एकर जमिनीची आवश्‍यकता आहे. ही जमीन मिळाल्यानंतर विस्तारीकरणाचे काम सोपे होणार आहे. जमीन घेतल्यानंतर नाईट लॅंडिंगसह इतर सुविधांवर भर दिला जाणार आहे.दरम्यान, करवीर प्रांत व तहसीलदारांकडून संबंधित शेतकऱ्यांची चर्चा केली जाणार आहे. तत्पूर्वी त्यांना जमीन संपादनाची नोटीस काढावी, अशा सूचना दिल्या आहेत.
अनेक दिवसांपासून जमीन ताब्यात घेण्याचे काम सुरू होते. यापूर्वी या जमिनीची मोजणी झाली आहे. दरम्यान, आता नोटीस देऊन त्यांची सहमती घेतली जाणार आहे. याबद्दल करवीरचे प्रांत वैभव नावडकर व तहसीलदार शीतल मुळ्ये-भामरे यांनी यापूर्वीही शेतकऱ्यांशी संवाद साधला आहे. आता नोटीस देण्याचे काम केले जाणार आहे. या ऑनलाईन बैठकीत नावडकर, मुळ्ये-भामरे यांच्यासह इतर अधिकारी सहभागी होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.