इचलकरंजी (कोल्हापूर) : जांभळी (ता. शिरोळ) येथील आईने दोन मुलींसह आत्महत्या केल्याप्रकरणी मृत सुप्रियाची आई सुवर्णा शिवाजी डांगे (जांभळी) यांनी मुलीची सासू व पतीच्या शारीरिक, मानसिक छळाला कंटाळून आत्महत्या केल्याचे फिर्यादीत म्हटले आहे. याप्रकरणी पती शिवाजी रघुनाथ भोसले व सासू विमल रघुनाथ भोसले (यादव मळा) यांच्यावर गुन्हा दाखल केला आहे.
जांभळी येथे आईने दोन मुलींसह मंगळवारी आत्महत्या केली. पोलिसांनी पती शिवाजी याचा जबाब नोंदवला. पोलिसांनी पीडित भोसले कुटूंब, मृत सुप्रियाचे मामा, आई-वडील तसेच इतर ठिकाणी गोपनीय चौकशी सुरू ठेवली. अप्पर पोलिस अधीक्षक जयश्री गायकवाड यांच्या भेटीनंतर सुप्रियाच्या आईने गुरुवारी शिरोळ पोलिसांत फिर्याद दिली आहे.
पती शिवाजी याचा सुप्रियाशी पाच वर्षांपूर्वी प्रेमविवाह झाला होता. त्याने पहिल्या पत्नीला सोडचिठ्ठी दिली आहे. प्रेमविवाहानंतर सुप्रियाला दोन वर्षे त्रास दिला नाही. त्यानंतर तुझ्या आई-वडिलांनी लग्नानंतर काहीच दिले नाही म्हणून शारीरिक, मानसिक त्रास देऊन हुंडा आणण्याची मागणी सुरू केली. या त्रासाला कंटाळून तिने मुलींसह आत्महत्या केल्याचे म्हटले आहे. तपास शिरोळ पोलिस करीत आहेत.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.