Dhairyasheel Mane : खासदार मानेंवर मोठी जबाबदारी; शिवसेना संसदीय पक्षाच्या उपनेतेपदी करण्यात आली निवड

कोल्हापूर : लोकसभेतील शिवसेना संसदीय पक्षाच्या उपनेतेपदी खासदार धैर्यशील माने (MP Dhairyasheel Mane) यांची सर्वानुमते निवड करण्यात आली. माने यांच्या निवडीचे पत्र शिवसेना पक्षाचे प्रमुख नेते मुख्यमंत्री एकनाथ शिंदे (CM Eknath Shinde) यांनी लोकसभा अध्यक्षांना दिले.

माने हातकणंगले मतदारसंघातून (Hatkanangle Constituency) सलग दुसऱ्यांदा खासदार म्हणून निवडून आले आहेत. पक्षाने लोकसभेची जबाबदारी युवा खासदारांवर सोपवलेली आहे. नुकतीच कल्याणचे खासदार डॉ. श्रीकांत शिंदे यांची शिवसेना पक्षाच्या लोकसभेतील गटनेतेपदी निवड केली होती.

आता उपनेतेपदी माने यांची निवड केली. लोकसभा निवडणुकीत महाराष्ट्रातून शिवसेनेचे सात खासदार निवडून आले असून, शिवसेनेने केंद्रातील राष्ट्रीय लोकशाही आघाडी सरकारला पाठिंबा दिला आहे.