'कुटुंबाला यातना देणाऱ्यांच्या दारात ते लाचारासारखे जाऊन बसले, हा कागलचा इतिहास नाही'; पवारांचा मुश्रीफांवर थेट वार

कागल : ‘कागल तालुक्यातील एका व्यक्तीला आम्ही प्रोत्साहित केले. तुम्ही त्यांना सत्ता आणि सगळं काही दिलं; पण संकटावेळी साथ द्यायची जबाबदारी असताना पैसा आणि सत्तेसाठी लाचारी स्वीकारत आमचे काही जुने सहकारी आमची साथ सोडून गेले. कागलकर बाकी काही सहन करेल; पण उभ्या आयुष्यात लाचारी स्वीकारणार नाही. त्यामुळे सत्तेसाठी अशी लाचारी स्वीकारणाऱ्यांना त्यांची जागा दाखवा,’ असे आवाहन ‘राष्ट्रवादी’चे अध्यक्ष खासदार शरद पवार (Sharad Pawar) यांनी येथे केले.