ब्रेकिंग - कोल्हापूरमध्ये आज आणखी ७७ जणांना कोरोनाची बाधा...

कोल्हापूर : कोरोनाबाधितांच्या संख्येत आज सकाळीच ७७ नव्या रुग्णांची वाढ झाली. त्यामुळे, कोरोना बाधितांचा संख्या आता 3 हजार 420 वर गेली आहे. यामध्ये, कोल्हापूर शहरातील 25, शाहुवाडी 6, राधानगरी 5, भुदरगड 1, करवीर तालुका 20, शिरोळ 1, हातकणंगले 1 पन्हाळा 4 व इतर 14 असे एकूण 77 कोरोना रुग्ण वाढले आहेत. यामध्ये कोल्हापूर शहरातील  रुग्णांचा अधिक समावेश आहे.

 कोरोनासंसर्ग टाळण्यासाठी चार दिवसांपासून लॉकडाउन सुरू आहे. त्याला चांगला प्रतिसाद आहे. तरीही बाधितांची संख्या अजूनही वाढतीच आहे. अशा स्थितीत सीपीआर रुग्णालयासह जिल्ह्यातील सहा कोविड सेंटरमधील बेडची संख्याही अपुरी पडू लागली. कोरोनाच्या व्याख्येत बसणारी लक्षणे असलेल्यांची संख्या व त्या अनुषंगाने स्वॅब तपासणीची संख्या जास्त आहे. परिणामी, येत्या काही दिवसांत आणखी बाधित आढळण्याची शक्‍यता आहे. त्यांच्यावर उपचार करावे कोठे, असा प्रश्‍न आहे. 

हेही वाचा- दिलासा हवा ः बॅंकांचे हप्ते भरण्यास ग्राहकांची असमथर्ता, मुदतवाढीची गरज -

रुग्ण एक तास वेटिंगवर
शहरातील एका क्वारंटाईन सेंटरवर एका रुग्णाला रात्री अचानक श्‍वासोच्छ्वासाचा त्रास सुरू झाला. त्यामुळे त्याला तत्काळ रुग्णालयात नेणे गरजेचे होते. त्यासाठी प्रयत्नही सुरू झाले. विविध ठिकाणी दूरध्वनी करून मदतीचे आवाहन सुरू झाले. याबाबतची माहिती समजताच व्हाईट आर्मीचे विनायक भाट आणि जवान सर्व खबरदारीच्या साहित्यासह रुग्णवाहिका घेऊन तेथे दाखल झाले. रात्री अकराच्या सुमारास संबंधित रुग्णाला क्वारंटाईन सेंटरवरून रुग्णालयात हलविण्यात आले.

हेही वाचा-कोरोनाबाधीताचा  अनुभव नक्की वाचा , , निगेटिव्ह अहवालाने परीक्षेत पास झाल्याचा आनंद झाला -

दृष्टिक्षेपात
एकूण कोरोनाग्रस्त    ३, ४२०  
एकूण कोरोनामुक्त    १, १०९   
आजअखेरचे मृत्यू    ९०
सध्या उपचार घेणारे    २, २२३ 

संपादन - अर्चना बनगे