संकेश्वर (बेळगाव) : कोरोनाच्या पार्श्वभूमीवर यंदाही गणेशोत्सव साधेपणाने साजरा करण्याचा आदेश राज्य शासनाने दिला आहे. सार्वजनिक गणेशोत्सव मंडळाना यंदा सार्वजनिक जागेत मंडप उभारण्यास बंदी आहे. शिवाय मिरवणुकीत डॉल्बी, बेंजो, बँड ही वाद्ये लावण्यास मज्जाव आहे. केवळ मंदिर किंवा घरात गणेशाची प्रतिष्ठापना करु शकतो.
नियमाचे उल्लंघन करणाऱ्या मंडळाच्या पदाधिकाऱ्यांवर कायदेशीर कारवाई करण्यात येईल. कर्नाटक-महाराष्ट्रातील लाखो भाविकांचे श्रद्धास्थान असलेल्या येथील निलगार गणपतीचे यंदाही दर्शन बंद असणार आहे, अशी माहिती उपनिरीक्षक गणपती कोगेनहळ्ळी यांनी दिली. गुरुवारी (ता. 26) पोलिस ठाण्यात गणेशोत्सवाच्या पार्श्वभूमीवर आयोजित शांतता बैठकीत सार्वजनिक गणेशोत्सव मंडळाच्या पदाधिकाऱ्यांना मार्गदर्शन प्रसंगी बोलत होते.
नियमाचे उल्लंघन करणाऱ्या मंडळाच्या पदाधिकाऱ्यांवर होणार कायदेशीर कारवाई.
उपनिरीक्षक कोगेनहळ्ळी म्हणाले, संकेश्वरचा प्रसिद्ध नवसाच्या निलगार गणपतीचेही यंदा भक्तासाठी दर्शन बंदच राहणार आहे. त्यामुळे लाखो भाविकांचा हिरमोड होणार आहे. पण कोरोनाच्या पार्श्वभूमीवर ही खबरदारी घेण्यात आली आहे. बाहेरून येणाऱ्यां भक्तांनी त्याची दखल घ्यावी. बैठकीस संकेश्वर पोलिस ठाण्याच्या कार्यक्षेत्रातील संकेश्वरसह कणगला, बुगटे आलूर, सोलापूर, निडसोशी, गोटुर, करजगा, अंकले, कमतनूर गावातील सार्वजनिक गणेशोत्सव मंडळाचे पदाधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
