बेळगाव : माहिती अधिकार अंतर्गत (RTI) माहिती न दिल्याबद्दल बेळगावच्या तत्कालीन तहसीलदार मंजुळा नाईक यांना माहिती हक्क आयोगाने १२ हजार रुपयांचा दंड ठोठावला आहे. हलगा येथील भैरू देवाप्पा पाटील यांनी ४ ऑगस्ट २०१८ रोजी माहिती अधिकार अंतर्गत तहसील कार्यालयात अर्ज केला होता.
गावातील जमिनी संदर्भात त्यांनी यात विचारणा केली होती. पण तत्कालीन तहसीलदार नाईक यांनी माहिती पुरविली नाही. त्यामुळे पाटील यांनी आरटीआय अंतर्गत नेक्स्ट अपील प्रांताधिकाऱ्यांकडे केला. पण तेथूनही कोणताच प्रतिसाद न लाभल्याने त्यांनी अखेर राज्य माहिती आयोगाकडे याबाबत अपील केले होते. आयोगाने तहसीलदारांना नोटीस बजावून माहिती न दिल्याबद्दल विचारणा केली होती.
यास तहसीलदार नाईक यांनी निवडणुकीचे कारण पुढे केले. पण अर्ज करून ती वर्षे उलटली असल्याने तहसीलदारांना याबाबत आयोगाने जाब विचारत माहिती देण्यास दिरंगाई केल्याबलद्दल १२ हजार रुपयांचा दंड ठोठावला आहे. अर्जदाराच्यावतीने अॅड. प्रशांत कोंडे यांनी काम पाहिले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
