कोवाड : राजगोळी भागातील चन्नेटी, राजेवाडी, गणेशवाडी व राजगोळी खुर्द येथील शेतकरी वर्षानुवर्षे कसत असलेल्या इनामी वतनाच्या जमिनी स्वतःच्या नावावर व्हाव्यात, या मागणीसाठी आज चन्नेटी येथे रास्ता रोको आंदोलन करुन शासनाचे लक्ष वेधले. तब्बल तीन तास रास्तारोको आंदोलन केल्याने या मार्गावरील वाहतूक ठप्प झाली होती. आंदोलनग्रस्त शेतकरी आपल्या कुटूंबासह आंदोलनात सहभागी झाले होते.
जिल्हा परिषद सदस्य कल्लापा भोगण यांनी नायब तहसिलदार संजय राजगोळे यांच्यासमोर शेतकऱ्यांची बाजू मांडली. नायब तहसिलदार राजगोळे यांनी वरिष्ठाना याबाबत शेतकऱ्यांची मागणी व भूमिका तात्काळ कळविण्याचे आश्वासन दिल्यानंतर शेतकऱ्यांनी आंदोलन मागे घेतले.
राजगोळी भागातील आंदोलनग्रस्त शेतकऱ्यांनी इनामदारांच्या वतनी जमिनी वर्षानुवर्षे कसणाऱ्यांच्या नावाने न झाल्याने संतप्त झालेल्या शेतकऱ्यांनी 15 मार्च रोजी आंदोलन करणार असल्याचे निवेदन तहसिलदाराना दिले होते. त्याअनुषंगाने आंदोलन केले.
आंदोलनात महिलांच्यासह मुलांचाही समावेश होता. "मी आंदोलक"नावाच्या टोप्या घालून शेतकरी आंदोलनात सहभागी झाले होते. इनाम वतनाच्या जमिनी वाडवडीलांपासून कसून खात असून सातबाराला त्याप्रमाणे पिकपाणी सदरी नाव दाखल होऊन बऱ्याच लोकांच्या जमिनी वडिलोपार्जित ताब्यात आहेत. परुंतू इनामदार हे सध्या ऑनलाईन सातबाराचा आधार घेऊन वहिवाटदारांना कोणतीही कल्पना न देता परस्पर विक्री करत असल्याचा आरोप शेतकऱ्यांनी व्यक्त केला. यावेळी नायब तहसिलदार यांनी शेतकऱ्यांची चर्चा करुन माहिती घेतली व वरीष्ठांना याबाबत कळविण्याचा विश्वास दिल्याने शेतकऱ्यांनी आंदोलन मागे घेऊन सहकार्य केले.
न्याय मिळावा
जमिनी खरेदी करणारे लोक शेतकऱ्यांशीच वाद घालत असल्याने लोकशाही मार्गाने न्याय मागण्यासाठी आंदोलन करत असल्याचे शेतकऱ्यांनी सांगितले. वर्षानुवर्षे जमिनी कसणाऱ्या शेतकऱ्यांना न्याय मिळावा, अशी मागणी शेतकऱ्यांनी केली.
संपादन - सचिन चराटी
kolhapur
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.