कोल्हापूर : जिल्ह्यातील 1025 ग्रामपंचायतीच्या सरपंच पदाची आरक्षण सोडत 27 जानेवारी रोजी काढण्यात येणार आहे. जिल्हाधिकारी दौलत देसाई यांनी यासंदर्भातल्या आदेश आज काढले. जिल्ह्यातील 433 ग्रामपंचायतींच्या निवडणुका नुकत्याच झाल्या आहेत. तथापि त्या गावातील सरपंच पदाचे आरक्षण निश्चित झाले नव्हते. गेल्या पंचवीस वर्षांत पहिल्यांदाच ग्रामपंचायत निवडणुकीनंतर सरपंच पदाच्या आरक्षण तातडीने काढले जात आहे.
या आरक्षण सोडतीत नुकत्याच निवडणूक झालेल्या 433 ग्रामपंचायती बरोबरच 2025 पर्यंत मुदत संपणाऱ्या सर्वच म्हणजे 1025 ग्रामपंचायतीचे सरपंच पदाचे आरक्षण काढण्यात येणार आहे. प्रत्येक तालुक्याच्या ठिकाणी तहसीलदार यांच्या अध्यक्षतेखाली ही सोडत काढण्यात येईल. या सोडतीबाबत गावांगावात प्रचंड उत्सुकता असून ज्या गावात काठावरील बहुमत आहे, अशा गावातील सदस्य सहलीवर पाठवण्याचे नियोजन सुरू आहे.
संपादन - स्नेहल कदम
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.