जिल्हाधिकारी कार्यालयातील राजर्षी शाहू सभागृहात श्री अंबाबाई परिसर पुनर्विकास आराखडा समितीची बैठक पालकमंत्री हसन मुश्रीफ (Hasan Mushrif) यांच्या अध्यक्षतेखाली झाली.
कोल्हापूर : श्री अंबाबाई मंदिर विकास प्राधिकरणांतर्गत (Ambabai Temple Development Authority) करण्यात आलेल्या १४४७ कोटींच्या आराखड्याला जिल्हास्तरीय समितीने आज मंजुरी दिली. महापालिकेचा आराखडा व प्राधिकरणअंतर्गत आराखडा या दोन्हींमध्ये समावेश असलेली कामे व त्याची रक्कम एका आराखड्यातून वगळून ही मंजुरी देण्यात आली आहे.
जिल्हाधिकारी कार्यालयातील राजर्षी शाहू सभागृहात श्री अंबाबाई परिसर पुनर्विकास आराखडा समितीची बैठक पालकमंत्री हसन मुश्रीफ (Hasan Mushrif) यांच्या अध्यक्षतेखाली झाली. बैठकीमध्ये श्री अंबाबाई परिसर पुनर्विकास आराखड्याचे सादरीकरण झाले. तो मंजूर करण्यात आला आणि पुढील मंजुरीसाठी शासनाकडे पाठवण्याचे ठरले.
महापालिकेने (Kolhapur Municipal Corporation) अंबाबाई मंदिर परिसर विकासासाठी बनविलेल्या २५५ कोटींच्या आराखड्याअंतर्गत ४५ कोटींच्या निधीला मंजुरी मिळाली आहे. याअंतर्गत दर्शन मंडप, पार्किंगसारखी काही कामे करण्यात येणार आहेत. या दोन्ही आराखड्यांचे प्रस्ताव शासनाला पाठविले आहेत. त्याची छाननी करताना एकच काम दोन्ही आराखड्यात असल्याने एका आराखड्यातून ते काम व त्याची रक्कम वगळण्यात यावी, अशी सूचना शासनाने केली आहे.
ही कामे वगळून सुधारित आराखड्याला जिल्हास्तरीय समितीच्या बैठकीत मंजूरी देण्यात आली. बैठकीला जिल्हाधिकारी अमोल येडगे, आमदार जयश्री जाधव, जिल्हा नियोजन अधिकारी विजय पवार, सार्वजनिक बांधकाम विभागाचे एस. आर. पाटील, देवस्थान समितीचे सचिव सुशांत बनसोडे, देवस्थान समितीचे अभियंता सुयश पाटील यांच्यासह संबंधित विभागांचे अधिकारी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
