लाचलुचपत कायद्याअंतर्गत पोलिस नाईक सागर कोळी याच्यावर गुन्हा दाखल झाला आहे.
कोल्हापूर - वादातील इनोव्हा गाडी परत मिळवून देतो असे सांगत १० हजाराची लाचेची मागणी करणारा पोलिस नाईक लाचलुचपतच्या जाळ्यात सापडला आहे. शहरातील शाहुपुरी पोलिस ठाण्यातील पोलिस नाईक सागर इराप्पा कोळी (रा. उचगाव ता. करवीर) यास लाच घेताना रंगेहात पकडले आहे. लाचलुचपत कायद्याअंतर्गत पोलिस नाईक सागर कोळी याच्यावर गुन्हा दाखल झाला आहे.
मिळालेली माहिती अशी, तक्रारदाराची वादातीत इनोव्हा गाडी परत मिळवून देतो असे सांगत, पोलिस नाईक कोळी याने तक्रारदाराकडे 15 हजार रुपयांची लाचेची मागणी केली होती. त्याने आधी १० हजार रुपये घेतले होते. उर्वरित रकमेसाठी त्याने तक्रारदाराकडे तगादा लावला होता. याबाबत तक्रारदाराने लाचलुचपत प्रतिबंधक खात्याकडे तक्रार केली होती. कोल्हापूर पोलिस अधीक्षक शैलेश बलकवडे यांच्या मार्गदर्शनाखाली पोलिस उप अधीक्षक आदिनाथ बुधवंत, पोलिस निरीक्षक सतीश मोरे, सहायक फौजदार संजीव बम्बर्गेकर यांच्या पथकाने सापळा रचला. काल (मंगळवार) पाच हजार रुपयांची लाच स्विकारताना सागर कोळी याला रंगेहाथ पकडले. पोलिस नाईक कोळी याच्यावर गुन्हा दाखल झाला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
