खासदारकीची मुदत संपतेय, ३ मे नंतर माझी दिशा वेगळी - संभाजीराजे

कोल्हापूर : विधानसभेच्या कोल्हापूर उत्तर मतदार संघाच्या पोटनिवडणूकीत कोणाला मतदान करावे, हा विचार करण्यासाठी तीस सेंकद लागली. मी राष्ट्रपती नियुक्त खासदार आहे. 3 मे पर्यंत माझ्या खासदारकीची मुदत आहे. त्यांनतर माझी दिशा वेगळी असणार अशी गुगली खासदार संभाजाराजे यांने आज येथे टाकली. खासदार संभाजीराजे यांनी न्यू पॅलेस परिसरातील मतदान केंद्रावर मतदान केले. यावेळी ते बोलत होते.

खासदार संभाजीराजे म्हणाले, मी राष्ट्रपती नियुक्त खासदार आहे. माझी सामाजिक कामे सुरु आहे. माझ्या कामाचा कोण कसा अर्थ काढेल हे माहिती नाही. कोणी काय बोलावं, हे मी काय सांगू शकणार नाही. मी माझ्या पध्दतीने प्रामाणिक काम करत असतो. काम करताना मी मागच्या पुढच्याचा विचार करत नाही. माझी पुढीची 3 मे नंतर माझी वेगळी दिशा असणार आहे. काय असेल हे आपण वाट पाहून असेही खासदार यांनी सांगितले. मतदान करणं हा लोकशाहीचा अधिकार आहे. सर्वांनी मतदान करावे. मतदानाच हक्क बजावला पाहिजे. आज बराच विचार करुन मी मतदान केले. मतदान कोणाला करावे यासाठी मला 30 सेकंद लागली. पण मतदान करण्यात आनंद वाटला. व्यक्ति स्वातंत्र्य आहे. किती माणूस मोठा असला तरीही विचारपूर्वक मतदान केले जाते. तसा मीही विचार केला.