Kolhapur : वेश्या व्यवसाय करणाऱ्या महिलांविरोधात मुख्यमंत्र्यांची शिवसेना आक्रमक; व्हिनस कॉर्नर परिसरात मध्यरात्री आंदोलन

कोल्हापूर : शहरात वेश्या व्यवसायाविरोधात मुख्यमंत्र्यांची शिवसेना (Shiv Sena) आक्रमक झाली आहे. शिवसेनेने मध्यरात्री जोरदार आंदोलन करत वेश्या व्यवसाय करणाऱ्या महिलांची पळता भुई थोडी केली.

राज्य नियोजन मंडळाचे कार्यकारी अध्यक्ष राजेश क्षीरसागर (Rajesh Kshirsagar) यांच्या नेतृत्वाखाली कोल्हापुरात मध्यरात्री आंदोलन करण्यात आलं. शहरातील वेश्या व्यवसायांमुळे अवैध धंदे मोठ्या प्रमाणावर फोफावल्याचं शिवसैनिकांचं मत आहे.

मुख्यमंत्र्यांच्या शिवसेनेच्या वतीने व्हिनस कॉर्नर परिसरात जोरदार घोषणाबाजी करत मध्यरात्री अचानक उग्र स्वरूपाचं आंदोलन करण्यात आलं. या आंदोलनामुळं शाहूपुरी पोलिसांची प्रचंड दमछाक झाली. दरम्यान, वेश्या व्यवसाय करणाऱ्या महिलांनी स्वतःचा जीव वाचवण्यासाठी पोलिसांच्या जीपमध्ये जाऊन बसावं लागलं. 'हा फक्त ट्रेलर आहे, पिक्चर अभी बाकी है', असा शिवसैनिकांनी इशारा दिला आहे. राज्य नियोजन मंडळाचे कार्यकारी अध्यक्ष क्षीरसागर यांच्या नेतृत्वाखाली कोल्हापुरात हे आंदोलन सुरु होतं.