Kolhapur Crime : 'सुरेखाला हाक मारली, पण..'; उपसरपंचांच्या पत्नीची गळफास घेऊन आत्महत्या

पुनाळ : आकुर्डे (ता. पन्हाळा) येथील उपसरपंच अनिल पाटील यांच्या पत्नीने‌ राहत्या घरी गळफास घेऊन आत्महत्या केली. सुरेखा ऊर्फ स्वाती अनिल पाटील (वय ४०) असं त्यांचं नाव आहे.

याबाबत कळे पोलिसात (Kolhapur Police) नोंद झाली असून आत्महत्येचे नेमके कारण समजू शकले नाही. पोलिसांनी दिलेल्‍या माहितीनुसार, अनिल पाटील हे गावचे उपसरपंच आहेत. शिवाय ते काटेभोगाव (ता.पन्हाळा) येथील राजर्षी शाहू हायस्कूलमध्ये माध्यमिक शिक्षक आहेत.

शनिवारी (ता. १२) सकाळी शाळा करुन अनिल पाटील गावी गेले. अनिल हे हॉलमध्ये तर पत्नी सुरेखा या बेडरुममध्ये विश्रांती घेत होत्या. दुपारी एकच्या सुमारास अनिल पाटील यांनी पत्नी सुरेखा यांना हाक मारली पण प्रतिसाद मिळाला नाही.

बराच वेळ झाल्यानंतर शेजारच्या लोकांना बोलावून दरवाजा तोडला. त्यावेळी सुरेखा यांनी छताच्या हुकाला साडीने गळफास घेतल्याचे निदर्शनास आले. सुरेखा यांच्या मागे पती, मुलगा, मुलगी असा परिवार आहे.