Whatsapp स्टेटस्‌ला रिप्लाय दिला म्हणून ठाकरेंच्या शहरप्रमुखांना शिंदे गटाच्या कार्यकर्त्यांकडून बेदम मारहाण

पट्टणकोडोली : पट्टणकोडोली (ता. हातकणंगले) येथील उद्धव बाळासाहेब ठाकरे गटाचे (Uddhav Balasaheb Thackeray Group) शहर प्रमुख आण्णासो जाधव यांना स्टेटस्‌वरील रिप्लाय (Whatsapp Status) दिल्याच्या कारणाने मारहाण झाली. याबाबत रात्री उशिरापर्यंत हुपरी पोलिस ठाण्यात (Hupari Police Station) गुन्हा दाखल करण्याचे काम सुरू होते.

रात्री ८ वाजण्याच्या सुमारास जिल्हाप्रमुख मुरलीधर जाधव यांचे पट्टणकोडोलीतीलच (Pattankodoli) कार्यकर्त्यांनी मुख्यमंत्री एकनाथ शिंदेच्या (Eknath Shinde) शिवसेनेत (Shiv Sena) मुरलीधर जाधव प्रवेश करणार असल्याचे स्टेटस्‌ ठेवले होते. यावरून जाधव व स्टेटस्‌ ठेवणारे कार्यकर्ते यांच्यात व्हाॅट्सअॅप वादावादी झाली. त्यानंतर काही तरुणांनी अण्णा जाधव यांना मारहाण केली.

जाधवांच्या पत्नी-मुलालाही मारहाण

दरम्यान, यात जाधव यांना जबर मार लागला. त्यांच्या पत्नी व मुलालाही मारहाण झाल्याचे समजते. त्यांनी हुपरी पोलिस ठाणे गाठले. रात्री उशिरापर्यंत फिर्याद घेण्याचे काम सुरू होते. यासंदर्भात गावात तणावपूर्ण शांतता आहे. राम्माण्णा यांच्यासह सहा ते सात जणांवर गुन्हे दाखल करण्याचे काम रात्री उशिरापर्यंत सुरू होते.