धोपेश्वर मंदिर परिसरात मांसाहार करण्यास बंदी

धोपेश्वर मंदिर परिसरात मांसाहारास बंदी
आंबा ः धोपेश्वर मंदिराचा जीर्णोद्धार पूर्ण होईपर्यंत परिसरात मांसाहार करण्यास बंदी केली आहे. जावली - कासार्डे येथील धोपेश्वर, विठ्ठलाई देवीच्या मानकऱ्यांनी मंदिर परिसरात मांसाहार न करण्याचे आवाहन भाविकांना केले आहे. आमदार डॉ. विनय कोरे यांच्या पावणेतीन कोटी लाख रुपयांच्या विशेष निधीतून मंदिराच्या जीर्णोध्दाराचे काम सुरू आहे. जीर्णोद्धाराचे काम पूर्ण होईपर्यंत मंदिर परिसरात मांसाहार करण्यास पूर्णतः बंदी केली आहे. धोपेश्वर देवालय शाहूवाडी तालुक्यातील पुरातन मंदिर आहे. येथे महाराष्ट्राच्या कानाकोपऱ्यांतून भाविक येत असतात. मंदिराचे बांधकाम पूर्ण होईपर्यंत परिसरात मांसाहार करू नये; असे आवाहन धोपेश्वर - विठ्ठलाई मानकऱ्यांतर्फे केले आहे.