खोतवाडीत वनविभागाची बैठक

02011
खोतवाडी : येथे ग्रामस्थांच्या बैठकीत बोलताना मेहबूब नायकवडी.

खोतवाडीत वन विभागाची बैठक
बांबवडे, ता. ६ : खोतवाडी (ता. शाहूवाडी) येथे बिबट्याचे दर्शन झाल्याची बातमी दैनिक ‘सकाळ’मध्ये प्रसिद्ध झाली होती. या पार्श्‍वभूमीवर वन विभागाने तातडीची बैठक घेतली. येथील शेतकऱ्यांशी थेट संपर्क साधला. यावेळी परिमंडल वन अधिकारी मेहबूब नायकवडी यांनी गावास भेट दिली. त्यांनी बिबट्यासह अन्य वन्यप्राणी यांच्या अधिवासामध्ये बाधा निर्माण केल्यास कायदेशीर बाबींची माहिती दिली. त्यांच्यापासून सावध व सतर्क राहून उपाय योजनांची माहिती दिली. जर वन्यप्राणी दिसला तर त्याची वन विभागाला माहिती द्या. त्या भागात जाणे टाळा, गोठा बंदिस्त व प्रखर प्रकाशमय ठेवा, भटक्या कुत्र्यांचा बंदोबस्त करा, मुलांना एकटे बाहेर सोडून नका, शिट्टी जवळ ठेवा, मोबाईलवर मोठ्या आवाजात गाणी लावा, अशा सूचना नायकवडी यांनी दिल्या. यावेळी वनरक्षक रूपाली पाटील, सरपंच नामदेव खोत, पोलिसपाटील कोळापटे यांच्यासह ग्रामस्थ उपस्थित होते.