उचगावात विवाहितेचा गळफासाने मृत्यू

उचगावात विवाहितेची
गळफास घेऊन आत्महत्या
गांधीनगर, ता. २२ : उचगाव (ता. करवीर) येथील वर्षा नीलेश वसव (वय ३४) या विवाहितेने गळफास घेऊन आत्महत्या केली. याबाबतची फिर्याद पती नीलेश रघुनाथ वसव याने पोलिसांत दिली.
याबाबतची माहिती अशी, उचगाव येथील मसुटे पार्कमध्ये वसव दाम्पत्य राहत आहे. पंधरा वर्षापूर्वी त्यांचा विवाह झाला आहे. सध्या ते विभक्त राहत होते. त्यांना दोन मुलगे आहेत. आज दुपारी सव्वाचारच्या सुमारास वर्षा छताला गळफास घेतलेल्या स्थितीत आढळल्या. नातेवाइकांनी त्यांना सीपीआरमध्ये दाखल केले असता त्यांना मृत घोषित केले. याबाबत गांधीनगर पोलिसात फिर्याद दाखल झाली असून अधिक तपास कॉन्स्टेबल माने करत आहेत.