कोल्हापूर .निवडणूक रोखे घोटाळा दडपण्याचा मोदींचा प्रयत्न.. स्टेट बँकेसमोर''इंडिया''आघाडीचे निषेध आंदोलन..

07294
कोल्हापूर : दसरा चौक येथील स्टेट बँकेच्या कार्यालयासमोर आंदोलन करताना इंडिया आघाडीचे पदाधिकारी.
...
निवडणूक रोखे घोटाळा
दडपण्याचा सरकारचा प्रयत्न
स्टेट बँकेसमोर''इंडिया आघाडी’चे निषेध आंदोलन

कोल्हापूर, ता. ६ : मोदी सरकारने केलेला निवडणूक रोखे कायदा संविधान मोडणारा आहे, असा ऐतिहासिक निकाल सर्वोच्च न्यायालयाने दिला होता. त्यानुसार कोणत्या पक्षाला कोणी व किती निधी दिला याची माहिती स्टेट बँक ऑफ इंडियाने सहा मार्चपर्यंत निवडणूक आयोगाला द्यायची होती. मात्र, ही माहिती देण्यासाठी टाळाटाळ होत असल्याने आज (ता. ६) येथे ‘इंडिया आघाडी’च्या वतीने दसरा चौक येथील स्टेट बॅंकेच्या कार्यालयासमोर निषेध आंदोलन करण्यात आले.
यावेळी आक्रमक आंदोलकांनी आपली भूमिका मांडताना केंद्र सरकारच्या दबावाखाली ही बँक काम करत आहे. ही बँक सर्वसामान्य नागरिकांची असून सर्वोच्च न्यायालयाच्या आदेशाप्रमाणे निवडणूक रोखेबाबत बँकेने आपली भूमिका स्पष्ट करावी, अशी मागणी यावेळी करण्यात आली. तसेच निवडणूक आयोगाने ती संपूर्ण माहिती आपल्या वेबसाईटवर १५ मार्चपर्यंत जाहीर करावी, असा न्यायालयाचा आदेश असताना प्रशासन पळवाट शोधत आहे. याबाबत शाखा अधिकारी साबळे यांना निवेदन देण्यात आले.
यावेळी काँग्रेसचे तौफिक मुल्लानी, राष्ट्रवादीचे आर. के. पोवार, शिवसेनेचे संजय पवार, ‘आप’चे संदीप देसाई, कॉ. उदय नारकर, दिलीप पवार, रवी जाधव, अनिल घाटगे, संभाजी जगदाळे, दगडू भास्कर, रमेश कांबळे, मधुकर पाटील, दिलावर मुजावर, एस. बी. पाटील यांच्यासह सर्वपक्षीय सदस्य उपस्थित होते.