सोलगे मळा सांस्कृतिक भवनाचे अहिल्यादेवी होळकर नामकरणाची मागणी

सोलगे मळा सांस्कृतिक भवनाचे
अहिल्यादेवी होळकर नामकरणाची मागणी

इचलकरंजी, ता. २ : सोलगे मळा सांस्कृतिक भवनाचे पुण्यश्लोक अहिल्यादेवी होळकर नामकरण करावे, येथे कायमस्वरूपी सुरक्षारक्षकाची नेमणूक करावी, सकाळी ६ ते १० व सायंकाळी ४ ते ७ या वेळेत कार्यालय खुले ठेवावे, या मागणीचे निवेदन हिंदुराव कोळी यांनी महापालिका सहाय्यक उपयुक्त केतन गुजर यांना दिले.
शहरातील सोलगेमळा संस्कृत भवनाचे उद्‍घाटन झाल्यापासून दुर्लक्ष झाले आहे. इमारतीची नासधूस होत आहे. भवनास सुरक्षारक्षक असतानाही खिडक्यांच्या काचा फुटल्या आहेत. भिंतीला भगदाड पडल्याचे दिसून येते. त्यामुळे भवनाचे अक्षर मोडकळीस येऊन पडले आहेत. परिसरातील वयोवृद्ध ज्येष्ठ नागरिकांना फिरण्यासाठी कार्यालयातील एका बाजूस ट्रॅक केला आहे. मात्र बहुतांशीवेळ कार्यालयाचे गेट बंद असल्याने त्याचा उपयोग नागरिकांना होत नाही. त्यामुळे सकाळी संध्याकाळी कार्यालय सुरू ठेवावे, भवनाच्या प्रवेशद्वारावर सुरक्षारक्षकासाठी निवासस्थान बांधून कायमस्वरूपी नेमणूक करावी आदी मागण्या निवेदनाद्वारे केल्या आहेत.