कै. आण्णा मोगणे सहारा स्पोर्टस ॲकॅडमी अ व कै.मालती पाटील क्रिकेट ॲकॅडमी अंतीम फेरीत

आण्णा मोगणे ॲकॅडमी अ,
पाटील ॲकॅडमी अंतिम फेरीत
कोल्हापूर, ता. २ : कोल्हापूर जिल्हा क्रिकेट असोसिएशन आयोजित व यादव बंधु (शिरोळ) पुरस्कॄत माजी आमदार स्व. दिनकरराव यादव चषक अ गट क्रिकेट स्पर्धेतील उपांत्य सामना कै.आण्णा मोगणे सहारा स्पोर्टस ॲकॅडमी अ विरूध्द कै. आण्णा मोगणे सहारा स्पोर्टस ॲकॅडमी ब यांच्यामध्ये झाला. सामन्यात कै. आण्णा मोगणे सहारा स्पोर्टस ॲकॅडमी अ ने १ विकेटनी विजय मिळवला. प्रथम फलदांजी करताना सहारा स्पोर्टस ब ने ३७.२ षटकांत सर्वबाद १७९ धावा केल्या. यामध्ये अभिषेक आंब्रे ६०, अभिनंदन गायकवाड ५८ धावा केल्या. सहारा स्पोर्टस अ कडून श्रेयस चव्हाणने ४, सुदर्शन कुंभार व संदीप पाटील यांनी प्रत्येकी २, शुभम माने व रवि चौधरी यांनी प्रत्येकी १ बळी घेतला. उत्तरादाखल खेळताना सहारा स्पोर्टस अ ने २२.४ षटकांत ९ बाद १८० धावा केल्या. यामध्ये सुदर्शन कुंभार ४२, स्मित पाटील ४१, संदीप पाटील नाबाद ३३ धावा केल्या. सहारा स्पोर्टस ब कडुन साईप्रसाद मानेने ६, प्रथमेश साठेने २, सुरज जाधवने १ बळी घेतला. 
दुसरा उपांत्य सामना कै. मालती पाटील क्रिकेट ॲकॅडमी विरूध्द भिडे स्पोर्टस यांचेमध्ये झाला. सामन्यात कै. मालती पाटील क्रिकेट ॲकॅडमी ७ विकेटनी विजय मिळविला. प्रथम फलंदाजी करताना भिडे स्पोर्टस् ने ३३ षटकांत सर्वबाद १०८ धावा केल्या. यामध्ये सचिन आर्दाळकर २४, स्वयंम भंडारी १७, हर्षजीत पाटील १५ धावा केल्या. कै. मालती पाटील ॲकॅडमीकडून प्रथमेश बाजारीने ४, अनिकेत नलवडे ३, तुषार पाटील २ व कपिल सागांवकरने १ बळी घेतला. उत्तरादाखल खेळताना कै. मालती पाटील ॲकॅडमीने १७.१ षटकांत ३ बाद ११२ धावा केल्या. यामध्ये विश्‍वजीत जगताप ४०, अनिकेत नलवडे ३०, प्रथमेश बाजारी नाबाद १७ धावा केल्या. भिडे स्पोर्टस् कडुन सचिन अर्दाळकर २, वैभव चौगुले १ बळी घेतला.