डॉ. बाबासाहेब आंबेडकर पुतळ्याजवळील अतिक्रमणे हटवण्यासाठी 'कृती समिती'ची निदर्शने

इचलकरंजी : शहरातील डॉ. बाबासाहेब आंबेडकर पूर्णाकृती पुतळ्याजवळील अतिक्रमणे काढून पुतळ्याचे सुशोभीकरण करावे. या मागणीसाठी भीमशक्ती सामाजिक संघटना संचलित डॉ. बाबासाहेब आंबेडकर पूर्णाकृती पुतळा चैतन्यस्थळ कृती समितीच्या वतीने निदर्शने केली. याबाबतचे निवेदन महापालिकेच्या बांधकाम अभियंत्यांना दिले.

डॉ. बाबासाहेब आंबेडकर पुतळ्याभोवती अतिक्रमण वाढले आहे. त्यामुळे यापूर्वी रस्त्यावरून जाणाऱ्या वाहनांची धडक पुतळ्यास असलेल्या संरक्षक भिंतीला बसली आहे. परिणामी पुतळ्याच्या सन्मानास बाधा पोहोचत आहे. ही अतिक्रमणे काढावीत, तसेच पुतळ्याचे सुशोभीकरण करावे, यासाठी अनेक वेळा निवेदन दिली आहेत.

मात्र, अजूनही महापालिका प्रशासन ही बाब गांभीर्याने घेत नाही. महापालिकेच्या दुसऱ्या मजल्यावरील डॉ. बाबासाहेब आंबेडकर सभागृहाचे काम ही संथगतीने सुरू आहे. १४ एप्रिलच्या आत पूर्ण करावे. झोपडपट्टीमधील प्रलंबित घरकूल योजनेचे काम मंजूर करून तत्काळ सुरू करावे, आदी मागण्यांसाठी निदर्शने केली.