Kolhapur Flood Alert: कोल्हापूर-रत्नागिरी मार्गासह जिल्ह्यातील १० राज्यमार्ग पाण्याखाली, अन्य मार्गांवरून वाहतूक सुरू

कोल्हापूर, ता. २४ : जिल्ह्यातील नद्यांच्या पाणीपातळीत वाढ झाल्याने ८१ बंधारे पाण्याखाली गेले आहेत. तसेच नदीच्या बाजूला असणाऱ्या राज्य महामार्ग आणि प्रमुख जिल्हा मार्गांवरही पाणी आलेले आहे. त्यामुळे या मार्गांवरील वाहतूक अन्य मार्गांवरून सुरू आहे.

शहरात येणारे शिये-बावडा, कोल्हापूर-रत्नागिरी आणि कोल्हापूर-गगनबावडा या मार्गांवरील वाहतूक बंद करण्यात आली आहे. शिवाजी पुलावरील वाहतूकही रात्री ९ नंतर थांबवण्यात आली.

जिल्ह्यातील पाण्याखाली असणारे राज्यमार्ग

शिंगणापूर बंधाऱ्यावर पाणी आल्याने मार्ग बंद. चंदगड पुलावरून होणारी वाहतूक बंद. कासारी नदीचे पाणी रस्‍तयावर आल्याने वाहतूक थांबवली. कुडित्रे-कोगे पुलावरील मार्ग बंद. पन्हाळा-वाघबीळ-बोरपाडळे- वठार मार्गे इचलकरंजी रस्ता बंद.