डॉ. अशोकराव मानेच आमदार होतील

25940
शिरोली ः महायुतीचे उमेदवार डॉ. अशोकराव माने यांच्या प्रचारार्थ शिरोली येथील सभेत बोलताना खासदार श्रीकांत शिंदे. शेजारी खासदार धैर्यशील माने, खासदार धनंजय महाडिक आदी.
.................
डॉ. अशोकराव मानेच आमदार होतील

खासदार श्रीकांत शिंदे ः शिरोली येथील प्रचारसभेत विश्वास

शिरोली, ता. १७ ः ‘महायुती सरकारची कामगिरी दमदार आहे, त्यामुळे डॉ. अशोकराव मानेच हातकणंगलेचे आमदार होतील. माने जरी जनसुराज्य शक्ती पक्षाच्या चिन्हावर निवडणूक लढवत असले तरी ते शिवसेना पुरस्कृत आहेत. त्यामुळे मानेंना मत म्हणजेच मुख्यमंत्री एकनाथ शिंदे यांना मत असेल,’ असा विश्वास खासदार श्रीकांत शिंदे यांनी व्यक्त केला. शिरोली (ता. हातकणंगले) येथे झालेल्या जाहीर सभेत ते बोलत होते.
शिंदे म्हणाले, ‘महायुतीचे सरकार राज्याला योग्य दिशेने घेऊन जाणारे आहे. त्यामुळे आपले मत राज्याला दिशा देणारे असेल. मानेंच्या विजयात शिवसेनेचा सिंहाचा वाटा राहील. मतदारसंघाच्या विकासासाठी अधिकाधिक निधी खेचून आणण्यासाठी ते सक्षम आहेत. त्यांनी कार्यातून आपली ओळख निर्माण केल्याने विनय कोरे यांनी मानेंची उमेदवारी निश्चित केली. मुख्यमंत्र्यांनी शिवसेना पुरस्कृत उमेदवारी केल्याने मानेंचा विजय शिवसेनेसाठी प्रतिष्ठेचा आहे. यामुळे तालुक्यातील शिवसैनिक त्यांना विधानसभेत पाठविण्यासाठी सज्ज आहेत.’
खासदार धनंजय महाडीक म्हणाले, ‘डॉ. माने मतदारसंघात अविरतपणे कार्य करणारे तसेच सामान्य माणसाला आपलेसे वाटणारे व्यक्तिमत्त्व आहे. ते जनतेच्या मनातील आमदार आहेत. त्यांना उच्चांकी मते देऊन आमदार करूया.’
खासदार धैर्यशील माने म्हणाले, ‘हातकणंगलेतील दोन्ही आजी-माजी आमदारांनी मतदारसंघाच्या विकासासाठी कोणतेही योगदान दिलेले नाही. त्यांनी केवळ विकासाच्या गप्पा मारल्या. डॉ. माने यांना एकदा संधी देऊन उद्याच्या राजकारणाचा नवा इतिहास निर्माण करूया.’
यावेळी शिरोलीच्या सरपंच पद्मजा करपे, दिलीप पाटील, सुरेश पाटील, अरुण इंगवले, कृष्णात करपे, शिवाजी पाटील, राजेश पाटील, मुरलीधर जाधव, दीपक यादव, अविनाश बनगे तसेच महायुतीचे कार्यकर्ते मोठ्या संख्येने उपस्थित होते.
......................