ऊस उत्पादन वाढीसाठी मंडलिक कारखान्याचे आजपासून जनजागृती अभियान
ऊस उत्पादनवाढीसाठी आजपासून
मंडलिक कारखान्याचे जागृती अभियान
म्हाकवे, ता. ३१ : हमिदवाडा (ता. कागल) येथील लोकनेते सदाशिवराव मंडलिक कागल तालुका सहकारी साखर कारखान्याच्या वर्धापन दिनानिमित्त १ ते ५ ऑगस्टदरम्यान ऊस शेती तंत्रज्ञान जागृती अभियानाचे आयोजन केले आहे. कारखान्याचा २७ वा वर्धापन दिन ९ ऑगस्टला होणार आहे. अभियानातून शेतकऱ्यांना ऊस शेतीसाठी रोग व कीड व्यवस्थापन, खत व्यवस्थापन, पाणी व्यवस्थापन व नवीन तंत्रज्ञानाचा उपयोग ऊस उत्पादक, सभासदांना उत्पादनात वाढीसाठी होईल.
कार्यक्षेत्रात कासारी, बेनिक्रे, सावर्डे बुद्रुक, बानगे, शेंडूरमध्ये (ता. १ ते ५) ऊसशेती तंत्रज्ञान जागृती अभियान होईल. कृषी महाविद्यालयातील विभागप्रमुख डॉ. ए. ए. पिसाळ, कीटकशास्त्रज्ञ डॉ. ए. एस. बागडे, वरिष्ठ कृषिविद्यावेत्ता डॉ. व्ही. एस. माळी, जैन इरिगेशनचे प्रा. अजय देशपांडे यांचे मार्गदर्शन लाभेल. कार्यक्रमास कारखान्याचे उपाध्यक्ष शिवाजीराव इंगळे, संचालक ॲड. वीरेंद्रसिंह मंडलिक यांच्यासह संबंधित विभागातील संचालक, संचालिका मुख्य शेती अधिकारी, ॲग्री ओव्हरसिअर, शेती विभागाकडील अधिकारी, कर्मचारी उपस्थित राहतील. कार्यक्रमास ऊस उत्पादक शेतकरी, सभासदांनी उपस्थित राहत आधुनिक ऊस शेती तंत्रज्ञानाची माहिती घ्यावी; असे आवाहन चेअरमन खासदार संजय मंडलिक यांनी केले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.