रस्ता खुला न केल्यास रांगोळी बंद, रास्ता रोको

रस्ता खुला न केल्यास
रांगोळी बंद, रास्ता रोको
शेतकऱ्यांचा जिल्हाधिकाऱ्यांना निवेदनाद्वारे इशारा
रांगोळी, ता. १८ ः येथील रांगोळी जंगमवाडी बंद रस्ता प्रशासनाने लवकरात लवकर रस्ता खुला न केल्यास गावबंद व रास्ता रोको आंदोलनाचा इशारा शेतकऱ्यांनी निवेदनाद्वारे जिल्हाधिकारी यांना दिला आहे.
रांगोळी जंगमवाडी रस्ता शेतकऱ्यांनी तारेचे कुंपण घालून बंद केला आहे. यावरुन पंधरा दिवस वाद सुरू आहे. याबाबत शेतकऱ्यांनी अप्पर तहसीलदारांकडे दाद मागितली होती. तहसीलदार यांनी अंतरीम निकाल होईपर्यंत तात्पुरता रस्ता खुला करण्याचे आदेश दिले होते. यामुळे मंडळ अधिकारी अजित साठे यांनी पोलिस बंदोबस्तात रस्ता खुला करण्याचे प्रयत्न केले. परंतु तेथील शेतकऱ्यांनी विरोध करीत रस्ता खुला करु दिला नाही. यातच न्यायालयाने रस्ता खुला करण्यासंदर्भात जैसे थे परिस्थिती ठेवण्याचे आदेश दिला आहे. यामुळे गावातील शेतकऱ्यांची सुरू असलेली ऊसतोड रस्त्याअभावी बंद करावी लागत आहे. प्रशासनाने रस्ता खुला न केल्यास गुरुवारपासून (ता. २१) गावबंद व रास्ता रोको आंदोलन करणार असल्याबाबत निवेदन शेतकऱ्यांनी जिल्हाधिकारी, अप्पर तहसिलदार इचलकरंजी, प्रांताधिकारी इचलकरंजी, जिल्हा पोलिसप्रमुख, आजी माजी आमदार, खासदार यांना दिले आहे.