भगवतगीता जीवनाचा सार - राधा गोपालप्रभू /

03799
वारणा विद्यालयात मुलींना सायकल वाटप
वारणानगर : भगवद्‌गीता जीवनाचा सार असून ती व्यवहारी जीवनात जगायचे कसे ते शिकविते, असे मत आरवडे येथील इस्कॉन मंदिरर्च व्यवस्थापक राधा गोपाल प्रभू यांनी येथे व्यक्त केले. येथील वारणा विद्यालयात आंतरराष्ट्रीय कृष्ण भावनामृत संघ इस्कॉन मंदिर, आरवडे यांच्यामार्फत फेब्रुवारी २०२३ मध्ये घेतलेल्या भगवद्‌गीता प्रज्ञाशोध परीक्षेत विद्यार्थ्यांनी यश मिळविले. स्पर्धेत विद्यालयातील ४८७ विद्यार्थी सहभागी झाले होते. आदिती शिवलिंग कार्वेकर हिने प्रथम, श्रेया संदेश मोरे हिने दुसरा क्रमांक मिळविला. विद्यार्थिनींचा व्यवस्थापक राधा गोपाल प्रभू व मुख्याध्यापक एम. बी. मलमे यांच्या हस्ते सायकली व प्रमाणपत्रे देऊन गौरविले. यावेळी उपमुख्याध्यापक जितेंद्र बिचकर, आर. एन. सातपुते, इस्कॉन मंदिराचे प्रतिनिधी शरद गुरव, शिक्षक, कर्मचारी, पालक, विद्यार्थी उपस्थित होते.