जामिनावर सुटलेला संशयित समीर गायकवाड हा न्यायालयात उपस्थित होता.
कोल्हापूर : ज्येष्ठ कामगार नेते गोविंद पानसरे यांच्या खून (Govind Pansare Murder Case) खटल्यात काल (मंगळवार) दोन साक्षीदारांची साक्ष आणि उलट तपासणी झाली. शिवाजी शिंदे (सध्या रा. निपाणी, जि. बेळगाव, मूळ रा. शिवाजी पेठ) आणि सुनील जाधव (रा. मोरेवाडी, ता. करवीर) या दोन साक्षीदारांची साक्ष नोंदवण्यात आली.
त्यानंतर बचाव पक्षाच्या वकिलांनी त्यांची उलट तपासणीही घेतली. पानसरे यांच्या शरीरातून जी गोळी काढण्यात आली, ती शिवाजी शिंदे यांनी पाहिली होती. त्याबद्दल त्यांची साक्ष झाली.
समीर गायकवाड याच्या गाडीतील (धर्मरथ) पुस्तके, फाटलेली पाने याबद्दल सुनील जाधव यांची साक्ष झाली. बचाव पक्षाचे वकील समीर पटवर्धन, वीरेंद्र इचलकरंजीकर यांनी साक्षीदारांची उलट तपासणी घेतली. सरकारी पक्षाकडून ॲड. निंबाळकर, ॲड. शिवाजी राणे, ॲड. विवेक पाटील यांनी काम पाहिले.
पुढील सुनावणी गुरुवारी (ता. १७) आणि शुक्रवारी (ता. १८) होणार आहे. दरम्यान, येरवडा कारागृह आणि बंगळुरू येथील कारागृहातील संशयित आरोपींनी व्हीसीद्वारे उपस्थिती लावली. जामिनावर सुटलेला संशयित समीर गायकवाड हा न्यायालयात उपस्थित होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
