सांगली : महाविकास आघाडीचे नेते जयंत पाटील, विश्वजित कदम यांच्यासारख्या दिग्गजांना जिंकताना नाकी नऊ आले. त्यातून जिल्ह्यात महायुतीच्या ‘वादळा’ची कल्पना यावी. सांगलीत सुधीर गाडगीळ, मिरजेत सुरेश खाडे यांनी काँग्रेसच्या बंडखोरीचा लाभ घेत निर्विवाद यश मिळवले. शिराळ्यात सत्यजित देशमुख, जतमध्ये गोपीचंद पडळकर यांनी धक्कादायक विजय मिळवत भाजपच्या जिल्ह्यातील विजयावर शिखर चढवले.