दहिवडी : माण विधानसभा निवडणूकीच्या मतमोजणीची तयारी प्रशासनाने पुर्ण केली असून आज दुपारी दीड वाजता निकाल हाती येईल.
आज सकाळी साडेआठ वाजता नवीन शासकीय धान्य गोदामात प्रत्यक्ष मतमोजणीस सुरुवात होईल. एकूण चौदा टेबलवर मतमोजणी करण्यात येईल. सुरुवातीला पोस्टल मतांची मोजणी करण्यात येईल. त्यानंतर श्रीपालवण बुथ क्रमांक 1 पासून सुरुवात करुन चितळी बुथ क्रमांक 359 शेवटी मोजण्यात येईल. मतमोजणीच्या 26 फेर्या होणार आहेत.
मतमोजणीसाठी प्रशासकीय यंत्रणा सज्ज आहे. मतमोजणीमुळे वाहतूकीत बदल करण्यात आला आहे. तसेच कोणताही अनुचित प्रकार घडू नये म्हणून पोलिस यंत्रणा दक्ष आहे.
एकूण मतदार : 3,40,211
- झालेले मतदान : 225735
- पुरुष मतदार : 117066
- महिला मतदार : 108669
- इतर मतदार : 0
- एकूण मतदान टक्केवारी : 66.35 %
काय झाले 2014 ला?
2014 ला 70.37% मतदान झाले होते. 2019 ला 66.35% मतदान झाले आहे. टक्केवारी कमी झाली असली तरी मतदानाची आकडेवारी वाढलेली आहे. 2014 ला 2,17,415 मतदान झाले होते मात्र यावेळी 225735 मतदान झाले आहे. त्यामुळे वाढलेले मतदार कुणाकडे झुकणार हे पहावे लागेल. मात्र मागील वेळेची पंचरंगी निवडणूक यावेळी तिरंगी असल्याने चुरस कमालीची वाढली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.