- सलाउद्दीन चोपदार
म्हसवड - मध्यरात्रीच्या सुमारास आई सोबत झोपी गेलेल्या लेकीचाही अज्ञातांनी दोरीच्या साह्याने गळा आवळून खून केल्याची घटना पर्यंती, ता. माण येथे घडली. या दुहेरी हत्याकांडाने येथील ग्रामस्थ हादरुन गेले आहेत.
श्रीमती बताबाई लक्ष्मण नरळे (वय-75) व याची मुलगी नंदाबाई भिकू आटपाडकर (वय-50) अशी या मृतांची नावे आहेत. श्रीमती बताबाई व त्यांची मुलगी नंदाबाई या दोघीजण पर्यंती येथील ग्रामपंचायत कार्यालय नजिकच्या घरात राहत होते. घरातच छोटेसे किराणा मालाचे दुकान दोघीजण मिळून चालवित होत्या.
आज सकाळी उशीरापर्यंत दुकान व घराचे दरवाजे बंद राहिल्यामुळे ग्रामस्थांनी घराचा बाहेरील दरवाजा खटखटून त्यांना हाका मारण्याचा प्रयत्न केला असता घरात आत असलेल्या दोघींचा काहीच प्रतिसाद मिळू शकला नाही.
शेवटी ग्रामस्थांनी बंद दरवाजा उघडून घराच्या आत पहाणी केली असता, दोघीही मायलेकी निपचित मृत अवस्थेत निदर्शनास आल्या त्यानंतर म्हसवड पोलिसांना या घटनेची माहिती देताच पोलिस घटनास्थळी दाखल झाले व दोन्ही मृतदेहाची प्राथमिक पाहणी केली असता दोघींचाही दोरीच्या साह्याने गळा आवळून अज्ञातांनी खून केल्याचे पोलिसांच्या प्रथमदर्शनी निदर्शनास आले.
पोलिसांनी या घटनेचा पंचनामा केला असुन, संशयित गुन्हेगाराचा तपास सुरु केला आहे. मृत मायलेकी बरोबर कोणाचे वादविवाद होते का? याचीही करुन चौकशी सुरु केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.