सांगली : कृष्णा नदीच्या (Krushna River) पातळीत ५५ फुटांनी वाढ झाली आहे. त्यामुळे सांगली शहराच्या निम्म्या भागात महापुराचे पाणी शिरले आहे. पुरात अडकलेल्या नागरिकांना बाहेर काढण्यासाठी लष्कराच्या तीन तुकड्या दाखल झाल्या आहेत. रेस्क्यू ऑपरेशनला सुरूवात झाली आहे. शंभर फुटी रस्ता, शामरावनगरसह उपनगरात बचाव कार्याला जोमात सुरूवात झाली आहे. जिल्हाधिकारी डॉ. अभिजीत चौधरी (Collector Dr. Abhijeet Chaudhary) यांनी रेस्क्यू (Rescue) ऑपरेशनची पाहणी केली.
शंभर फुटी रस्त्यावरून रेस्क्यू ऑपरेशनला सुरूवात झाली असून शामरावनगरसह परिसरात अडकलेल्या नगारिकांना सुरक्षितस्थळी नेण्यात येत आहे.
शहरात गेल्या दोन दिवसांपासून आयर्विनच्या पातळीत सातत्याने वाढ होत आहे. काल मध्यरात्रीपासून ५५ फुटांवर पाणी पोहचले. यामुळे कोल्हापूर रस्ता, शामरावनगर, पाकिजा मश्‍जिद परिसर, सांगलीवाडी, बायपास रस्ता परिसरात पाणी आले आहे. तेथे अडकलेल्या नागरिकांना बचावासाठी लष्कराच्या तीन तुकड्या दाखल झाल्या आहे.
शंभर फुटी रस्त्यावरून रेस्क्यू ऑपरेशनला सुरूवात झाली असून शामरावनगरसह परिसरात अडकलेल्या नगारिकांना सुरक्षितस्थळी नेण्यात येत आहे. दुपारी बाराच्या सुमारास बचाव कार्यास सुरूवात झाली. स्थानिकांच्या मदतीने लष्कराच्या जवानांकडून बोटीने नागरिकांना सुरक्षितस्थळी नेले जात आहे. सुरक्षितस्थळी नेल्यानंतर प्राथमिक वैद्यकीय तपासणीही केली जात आहे. तब्बल तीन तुकड्या दखल झाल्याने बचाव कार्यास वेग आला आहे. जिल्हाधिकारी डॉ. चौधरी यांनी मोहीमची माहिती घेतली. लष्करास लागेल ती मदत प्रशासनाकडून केली जाईल, असे स्पष्ट करण्यात आले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.