गौरी-गणपती सजावट स्पर्धेचे बक्षीस वितरण

इस्लामपूर : समाजात निम्मी संख्या असलेल्या महिला भगिनींच्या सुप्त कला गुणांना वाव देण्यासाठी गौरी-गणपती गृह सजावटसारख्या विविध स्पर्धा व उपक्रम सातत्याने राबविण्याचा आमचा प्रयत्न असल्याचा विश्वास युवा नेते प्रतीक पाटील यांनी व्यक्त केला.

इस्लामपूर शहर राष्ट्रवादी काँग्रेसच्या ज्येष्ठ, महिला, युवक व युवतींच्या वतीने आयोजित घरगुती गौरी-गणपती सजावट स्पर्धेतील विजेत्या महिला भगिनींना श्री. पाटील यांच्या हस्ते बक्षीस वितरण करण्यात आले. माजी नगराध्यक्ष ॲड. चिमण डांगे, अरुणादेवी पाटील, राष्ट्रवादी काँग्रेसचे शहराध्यक्ष शहाजी पाटील, नगरसेवक खंडेराव जाधव, महिला शहराध्यक्षा रोझा किणीकर, युवक शहराध्यक्ष सचिन कोळी, युवती शहराध्यक्षा प्रियांका साळुंखे, सभापती सुनीता सपकाळ, रूपाली खंडेराव जाधव प्रामुख्याने उपस्थित होते.

प्रतिक पाटील म्हणाले, सध्या आम्ही शहरात योजना आपल्या दारी हा उपक्रम राबवित आहोत. या उपक्रमाचा हजारो नागरिक लाभ घेताना पाहून समाधान वाटते. महिलांच्यासाठी वेग-वेगळे उपक्रम सातत्याने राबविण्याचा आमचा प्रयत्न आहे." शहाजी पाटील, खंडेराव जाधव. रोझा किणीकर, उषा पंडीत मोरे, परिक्षक अनिल खटावकर यांची भाषणे झाली. स्पर्धेत भाग्यश्री खट्टे यांनी प्रथम, नेहा जाधव यांनी द्वितीय, सुरेखा विरकर यांनी तृतीय, सुप्रिया पेठकर यांनी चतुर्थ, संगीता कांबळे यांनी पाचवा क्रमांक पटकाविला.

स्मीता खटावकर, वैष्णवी भोसले, लक्ष्मी ताटे, माधुरी खोत, अंजली पेठकर, शैलेजा चव्हाण, राजश्री देशमुख, शारदा डुबल, कल्पना उभारे, रुची मानकर, अवंतिका क्षिरसागर, गिताजंली सूर्यवंशी, गौरी चिवटे, माधुरी पाटील याही स्पर्धेच्या विजेत्या ठरल्या. शामराव पाटील, बाळासाहेब पाटील, संजय पाटील, दीपा देशपांडे, शैलेजा जाधव, मनिषा पेठकर, भारती पाटील, प्रतिभा पाटील, सुवर्णा जगताप उपस्थित होते. प्रियांका साळुंखे यांनी स्वागत केले. पुष्पलता खरात यांनी आभार मानले. कमल पाटील यांनी सुत्रसंचालन केले.