सोलापूर : एकात्मिक बाल विकास सेवा योजनेअंतर्गत अंगणवाडी सेविका, मदतनीस व मिनी अंगणवाडी सेविकांच्या पदभरतीवर घातलेले निर्बंध आता उठविण्यात आले आहेत. मागील तीन वर्षांत रिक्‍त झालेल्या सहा हजार 500 पदांच्या भरतीला महिला व बालविकास मंत्री ऍड. यशोमती ठाकूर यांनी मान्यता दिली आहे. भाडे तत्त्वावरील अंगणवाडी इमारतीच्या भाडेवाढीचाही निर्णय घेतल्याची माहिती उपायुक्‍त जामसिंग गिरासे यांनी दिली.
हेही आवश्‍य वाचाच : कर्जमुक्‍ती मिळेपर्यंत शेतकऱ्यांना व्याज आकारणी बंद
महाविकास आघाडीच्या मंत्रिमंडळात महिला व बालविकास विभागाच्या मंत्रिपदाची संधी मिळालेल्या ऍड. ठाकूर यांनी अंगणवाडी सेविकांचा विषय हाती घेतला आहे. गावोगावी पुरेशा प्रमाणात अंगणवाड्या सुरु व्हाव्यात, मुलांना शिक्षणाची गोडी लागावी या हेतूने नव्या 98 अंगणवाड्या तर 745 मिनी अंगणवाड्या सुरु करण्यात येणार आहेत. तर बालविकास प्रकल्प अधिकाऱ्यांची 45 रिक्‍त पदेही भरती करण्याचा निर्णय त्यांनी घेतला. तसेच भाड्याच्या इमारतीत सुरु झालेल्या 37 हजार 545 अंगणवाड्यांचे भाडे ग्रामीण भागात 750 रुपयांवरुन आता एक हजार तर नागरी भागातील भाडे 750 रुपयांवरुन चार हजार तर महानगरात सहा हजारांपर्यंत भाडेवाढीचाही निर्णय घेतला आहे.
हेही आवश्‍य वाचाच : विमानतळाच्या अडथळ्याच्या बैठकीत श्री सिध्देश्‍वर कारखान्याच्या अडथळ्याला बगल
महिला व बाल विकास मंत्र्यांचे निर्णय
हेही आवश्‍य वाचाच : धक्‍कादायक...एसटीच्या वाढत्या तोट्यामुळे भरती रखडली
मानधन वाढीची लवकरच गुड न्यूज
अंगणवाडी सेविका व मदतनीसांच्या मानधनाचा विषय मागील काही वर्षांपासून प्रलंबितच आहे. तत्पूर्वी, मंत्री ऍड. यशोमती ठाकूर यांनी तीन वर्षांपासून रखडलेल्या अंगणवाडी सेविका व मदतनीस भरतीला मान्यता दिली. आता अंगणवाडी सेविकांना मानधन वाढीचाही त्यांनी आढावा घेतला. या पार्श्‍वभूमीवर राज्यातील अंगणवाडी सेविकांना लवकरच गुड न्यूज मिळेल, अशी आशा लागली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.