सोलापूर : येथील उपप्रादेशिक परिवहन कार्यालयाचा कारभार केवळ तीन अधिकाऱ्यांवर सुरु आहे. त्यामुळे तालुकास्तरीय कॅम्पमधील वाहन परवान्याचा 195 चा कोटा आता 70 ने कमी केला आहे. आरटीओ कार्यालयातील 13 अधिकाऱ्यांना एकाचवेळी पदोन्नती मिळाल्याने अधिकाऱ्यांची संख्या घटली. आता नव्याने 18 अधिकारी मिळाले आहेत, परंतु त्यांचे प्रशिक्षण सुरु आहे. एप्रिल-मे 2020 पर्यंत अशीच स्थिती राहणार असल्याने शेकडो वाहनचालकांना हेलपाटे मारावे लागत आहेत.
हेही आवश्‍य वाचाच - 'शालार्थ'मुळे सात हजार शिक्षकांच्या वेतनाचा प्रश्‍न
ऑक्‍टोबर 2019 मध्ये वाहन परवान्याचा कोटा 195 होता आणि नोव्हेंबरमध्ये तो 90 करण्यात आला. वाहनचालकांसह संभाजी ब्रिगेड व अन्य सामाजिक संस्थांनी आवाज उठविल्यानंतर तो कोटा 121 करण्यात आला. आता पुन्हा जानेवारीपासून परवान्याचा कोटा कमी करण्यात आला आहे. सध्या अपॉइंटमेंटचे बुकिंग एक महिन्यापूर्वी चालू होते. मात्र, त्याचा कोटा काही तासांतच पूर्ण झाल्याने नव्या वाहनचालकांना परवाना काढण्यासाठी अडचणींचा सामना करावा लागतोय. शहर-जिल्हा वाहतूक पोलिस, महामार्ग पोलिस व आरटीओकडून वाहन परवाना नसलेल्या वाहनचालकांसह बेशिस्त वाहनचालकांवर कारवाईचा बडगा उचलण्यात आला आहे. दुसरीकडे परवान्यासाठी नोंदणी करुनही तो मिळत नसल्याची स्थिती आहे. या पार्श्‍वभूमीवर संभाजी ब्रिगेडचे प्रदेश कार्याध्यक्ष अमरजीत पाटील यांनी पंढरपुरातील कार्यालयातून दिला जाणारा ड्रायव्हर बॅच, डिएल विथ रिटेस्ट हे काम सुरु करावे, मुख्यालयातील विशेष कोटा ग्रामीण शिबीरासही द्यावा, कमी केलेला कोटा पूर्ववत करावा अशा मागण्या केल्या आहेत.
हेही आवश्‍य वाचाच - जरा जपून...'या' शहरातील हवा होतेय प्रदूषित
ठळक बाबी...
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.