सांगली : विधानसभा निवडणुकीसाठी जिल्ह्यातील आठ मतदारसंघांत मतदान होत आहे. जिल्ह्यातील २५ लाख ३६ हजार ६५ मतदार मतदानाचा हक्क बजावणार आहेत. या निवडणुकीत उमेदवारांच्या प्रत्यक्ष मतदानादिवशीच यंत्रणेचा कस लागणार आहे. मतदारांना घराबाहेर काढणे, मतदान करून घेणे, आपल्या बाजूच्या मतांचा टक्का वाढणे, यासाठी उमेदवार कसून कामाला लागले आहेत. प्रमुख उमेदवारांनी बूथची भक्कम बांधणी केली आहे.