माधवनगर : राजर्षी शाहू महाराज यांच्या जयंतीनिमित्ताने लेफ्टनंट जनरल एस. पी. पी. थोरात अकॅडमी, शांतिनिकेतनच्यावतीने आयोजित केलेल्या भव्य कुस्ती मैदानात युवा विद्यार्थी मल्लांच्या नव्वद कुस्त्या रंगल्या. यात मुलींच्याही कुस्त्यांचा समावेश होता. सर्व विजेत्या मल्लांना रोख पारितोषिक देऊन गौरवण्यात आले.
या मैदानाचे पूजन जिल्हा परिषदेचे मुख्य वित्त व लेखाधिकारी विठ्ठल चव्हाण यांच्या हस्ते झाले. यावेळी अकॅडमीच्या इन्चार्ज समिता पाटील, सुनील चंदनशिवे आदी उपस्थित होते. छत्रपती शाहू महाराजांचे कुस्तीचे कार्य टिकवण्यासाठी अभ्यासाबरोबर विद्यार्थ्यांचे मन, मनगट, मेंदू मजबूत करणे काळाची गरज आहे. जयंतीनिमित्त कुस्तीचे मैदान आयोजित करून शाहूराजांना अभिवादन करणारी थोरात अकॅडमी एकमेव आहे, श्री. चव्हाण म्हणाले.
लहान, मध्यम, मोठ्या गटातील विद्यार्थ्यांच्या कुस्त्या झाल्या. विजेत्या मल्लांचे गौतम पाटील, बी. आर. थोरात, डी. एस. माने, एम. के. आंबोळे यांनी अभिनंदन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.