'त्या' महिलेच्या घरातून कोरोनाही बाहेर पडेना

सातारा : क्रांतिसिंह नाना पाटील सर्वसाधारण रुग्णालय, सातारा येथे पुणे जेल मधून सातारा जेलमध्ये प्रवास करुन आलेले दाेन कैदी (वय वर्षे 31 व 58) व उपजिल्हा रुग्णालय, फलटण येथे बाधित रुग्णाचे निकट सहवासित एक (वय वर्षे 6)  असे एकूण तीन नागरिकांचा कोरोना (कोविड 19)  अहवाल पॉझिटिव्ह आला आहे. हे तिन्ही जण कोरोना बाधित असल्याची माहिती बी.जे. वैद्यकीय महाविद्यालय, पुणे यांनी कळविले असल्याची माहिती  अशी माहिती जिल्हा शल्यचिकित्सक डॉ. आमोद गडीकर यांनी दिली आहे.
 
दरम्यान क्रांतिसिंह नाना पाटील सर्वसाधारण रुग्णालय, सातारा  येथील 40,  ग्रामीण रुग्णालय कोरेगाव येथील 16 अशा 56 नागरिकांचे कोरोना रिपोर्ट निगेटिव्ह आल्याची माहिती डॉ. गडीकर यांनी दिली आहे.  

आता (रविवार, ता.3 मे) सातारा जिल्ह्यात 66 रुग्ण कोरोना बाधित असून आतापर्यंत 9 (कोविड 19) मुक्त होऊन रुग्णालयातून सोडले आहेत तर 2 जणांचा मृत्यू झाला आहे. आत्तापर्यंत जिल्ह्यात एकूण 77 बाधित रुग्ण आढळले आहेत.

...म्हणून त्यांच्यासह सर्वांवर आलेली हीच ती वाईट वेळ; सातारा जिल्हावासियांची भावना

धान्य मिळतंयहो... पैशाचं काय?

लोकहो, कोरोनाची भिती नको आता.... 

रस्त्यावर तडफडणाऱ्या वृद्धास डाॅक्टर काकांचा आधार

क्रांतिसिंह नाना पाटील सर्वसाधारण रुग्णालय येथे दाखल असलेली फलटण येथील कोरोना बाधित महिलेचे (शनिवारी) चौदा दिवसानंतरचे दोन्ही नमुने निगेटिव्ह आले. ती कोरोनामुक्त झाल्याने तिला रुग्णालयातून घरी सोडण्यात आले. आतापर्यंत कोरोनामुक्त झालेल्या नागरिकांची संख्या एकूण 9 झाली असल्याची माहिती जिल्हा शल्य चिकीत्सक डॉ. आमोद गडीकर यांनी दिली. 
दरम्यान या महिलेचे दाेन निकटसहिवासित काेराेनाच्या विळख्यात अडकल्याने सर्वत्र हळळळ व्यक्त केली जात आहे. 

कोरोना काेरियात क्वारंटाईन खंडाळ्यात