रहिमतपूर : रहिमतपूर (ता. कोरेगाव) येथून टकलेकडे (बोरगाव) जाणाऱ्या मार्गावर देशी व विदेशी दारूची अवैधपणे वाहतूक होत असल्याने पोलिसांनी काल रात्री छापा टाकला. त्यात तिघांना अटक करण्यात आली असून, 43 हजार रुपये किमतीच्या दारूच्या बाटल्यांसह ते वाहतूक करत असल्याचे आढळून आले होते. याबाबत पोलिस नाईक प्रवीण फडतरे यांनी रहिमतपूर पोलिस ठाण्यात फिर्याद दिली.
पोलिसांच्या माहितीनुसार, ता. 20 एप्रिलला स्थानिक गुन्हे शाखेच्या कार्यालयात पोलिस निरीक्षक सर्जेराव पाटील यांना रात्री साडेआठच्या सुमारास रहिमतपूर ते टकले बोरगाव (ता. कोरेगाव) जाणाऱ्या रोडवर विशाल सुधीर कारंजकर हा देशी- विदेशी दारूची वाहतूक करीत असल्याची माहिती मिळाली.
त्यांनी ती पोलिस नाईक प्रवीण फडतरे, पोलिस हवालदार तानाजी माने, पोलिस नाईक शरद बेबले, नीलेश काटकर, पोलिस कॉन्स्टेबल विजय सावंत यांना दिली. त्यानुसार केलेल्या कारवाईत हिरो पॅशन मोटारसायकल (एमएच 11 बीबी 5522) वर विशाल सुधीर कारंजकर (वय 33) व तोफिक नजीर नदाफ (वय 23) (दोघेही रा. रोकडेश्वर गल्ली, रहिमतपूर) हे 43 हजार रुपये किमतीच्या दारूच्या बाटल्या, तसेच दुचाकीसह आढळून आले. ही दारू त्यांनी सचिन बेलागडे (रा. रहिमतपूर) यांच्याकडून खरेदी केल्याचेही समोर आल्याने पोलिसांनी त्यासही अटक केली आहे.
हे म्हणजे असं झालं...चार आण्याची काेंबडी अन् बारा आण्याचा मसाला
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.