याविरोधात श्रीराम सेना हिंदुस्थानचे अध्यक्ष रमाकांत कोंडुसकर आणि दलित समाज संघटनांच्या नेतृत्वाखाली आंदोलन छेडण्यात आले होते.
बेळगाव : छत्रपती शिवाजी महाराज (Chhatrapati Shivaji Maharaj), डॉ. बाबासाहेब आंबेडकर (Dr. Babasaheb Ambedkar) यांच्या प्रतिमा (शिल्प) अखेर बेळगावच्या स्मार्ट रेल्वे स्थानकावर बसविण्यात आलेल्या आहेत. शिवप्रेमी व भीमप्रेमींच्या आंदोलनाला यश आले आहे. मंगळवारी (ता.१०) नैऋत्य रेल्वेकडून रेल्वेस्थानकाच्या इमारतीत तिकीट काउंटरजवळ या प्रतिमा बसवून मानवंदना दिली आहे. तब्बल दीड वर्षाच्या आंदोलनानंतर याठिकाणी दोन्ही महापुरुषांच्या प्रतिमा सन्मानपूर्वक बसविल्याने समाधान व्यक्त होत आहे.