पहा "गंगामाता'  स्मशानातही स्मशान शांतता... 

कुंडल (सांगली) ः प्रथेप्रमाणे अक्षय तृतिये निमीत्ताने सर्वजण आपल्या वाड वडीलांचे स्मरणार्थ स्मशानात नैवेद्य अर्पण करत असतात. पण या वर्षी ही परंपरा वैश्विक महामारीचा प्रकोप लक्षात घेऊन खंडीत झाली. कोरोनाचा धोका व संभाव्य गर्दी टाळण्यासाठी कुंडल ग्रामपंचायत व कोरोना प्रतिबधात्मक उपाय योजना समितीच्या पुढाकारामुळे हा उपक्रम यशस्वी झाला. त्यामुळे यंदा कुंडलच्या गंगामाता स्मशानभूमित शांतताच होती. 

कुंडल येथील गंगामाता स्मशानभूमित हजारो लोक नैवेद्य ठेवण्यासाठी पहाटेपासूनच हजेरी लावत असतात. नैवेद्य व धार्मिक विधीसाठी ग्रामस्थ गर्दी करत असतात. माञ कोरोना च्या पार्श्वभूमीवर कुंडल ग्रामपंचायत व कोरोना प्रतिबधात्मक उपाययोजना समितीने धार्मिक विधी व नैवेद्य ठेवण्यास मनाई केली होती. याबाबत ध्वनीपेक्षकावरून व कुंडल गावात फलक लावून नागरिकांच्यात जनजागृती हि केली होती. तसेच आज स्मशानभूमि चे प्रवेशद्वार ही बंद केले होते. 

तसेच ग्रामपंचायतीचे काही कर्मचारी तेथे पहाटेपासूनच तैनात केले होते. कुंडल ग्रामस्थांनीही या आवाहनाला प्रतिसाद दिला. कोणीही आज स्मशानभूमित नैवेद्य ठेवण्यासाठी आले नाही.अनेकांनी नैवेद्य घराच्या छतावरच ठेऊन विधी आटोपला. 
तसेच सामाजिक कार्यकर्ते एस.एम. जोशी यांनी हि यंदाचे साली आपण हा नैवेद्य एखाद्या गरजू भुकेल्या व्यक्तिला द्यावा जेणे करून त्याचा आत्मा थंड होईल व अन्नदान केल्याचे पुण्य लागेल . तो नैवेद्य आपल्या आपल्या घराचे बाहेर ठेवा पण चूकून सुध्दा स्मशानात गर्दी करू नका.असे आवाहन श्री .जोशी यांनी केले होते.