सोलापूर : किरीट सोमय्या सोलापूर दौऱ्यावर आहेत. त्यांनी या ठिकाणी पत्रकार परिषद घेऊन पवार कुटुंबियांवर मोठे आरोप केले आहेत. अजित पवारांच्या बहिणी जरंडेश्वर कारखान्यात भागीदार आहेत आणि याबाबतचे पुरावे मी ईडीला पाठवणार आहे, असा छातीठोक दावा त्यांनी केला आहे. याच पत्रकार परिषदेत त्यांनी शरद पवार, अजित पवार, सुप्रिया सुळे यांना हा दावा खोटा पाडण्याचं खुलं आव्हान दिलं आहे.
किरीट सोमय्या यावेळी म्हणाले की, अजित पवार, शरद पवार म्हणत आहेत की, माझ्या बहिणींचा काय संबंध नसताना ईडी चौकशी करत आहे. मात्र, अजित पवारांच्या बहिणी आणि त्यांचे मेहुणे जरंडेश्वर कारखान्यात पार्टनर आहेत. त्यामुळे तुम्ही कुणाशी बेईमानी करत आहात? ही बेईमानी बहिणीशी की महाराष्ट्रातील जनतेशी? असा सवाल त्यांनी केला आहे.
पुढे त्यांनी पवार कुटुंबियांना आव्हान देत म्हटलंय की, माझं शरद पवारांना चॅलेंज आहे की हे चोपडे मी उद्या ईडी आणि इनकम टॅक्सला पाठवणार आहे. सहकार न्यायालयाला ही पाठवणार आहे. यातला एकही कागद खोटा असेल पवार कुटुंबियांनी मला सिद्ध करुन दाखवावं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
