सोलापूर : विवाहितेचा विनयभंग करून तिच्या पतीस मारहाण केल्याप्रकरणी राज्य राखीव पोलिस दलाच्या जवानासह त्याच्या पत्नीविरुद्ध विजापूर नाका पोलिस ठाण्यात गुन्हा दाखल केला आहे.
साबीर अत्तार, मुबीना अत्तार (रा. प्लॉट क्र. ११, ब्लॉक बी, मीरा नगर, जुळे सोलापूर) अशी गुन्हा दाखल झालेल्या संशयित पती - पत्नींची नावे आहेत. याप्रकरणी पीडित विवाहितेने (वय ३२) फिर्याद दिली आहे. २९ नोव्हेंबर रोजी दुपारी दीडच्या सुमारास संशयित साबीर हा गणवेशात फिर्यादीच्या घराजवळ गेला.
तिची छेडछाड करत तिच्या खांद्यावर हात ठेवल्याने तिने त्याला ढकलून पुढे जाण्याचा प्रयत्न केला. त्यावर त्याने तू माझ्याशी बोल, मला तुझ्याशी बोलायचे आहे, असे म्हणत तिच्या गळ्यात हात घालून ओढत तिचा विनयभंग केला. त्यानंतर तिने पतीस घडला प्रकार सांगितला.
सोमवारी (ता. ४) सकाळी सव्वासातच्या सुमारास तिचा पती मुलीला शाळेत सोडण्यासाठी गेले होते. तेथून परतताना संशयितांना त्याबाबत विचारणा केली. त्यावर मुबीना हिने त्यांना शिवीगाळ करीत चप्पलने मारहाण केली. माझ्या लोकांना घेऊन येतो, मग तुम्हाला दाखवतो, अशी दमदाटीही केल्याचे फिर्यादीत म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
